شبكة منتديات كل العرب


عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
شبكة منتديات كل العرب

منتدى العرب لكل العرب


    يزميات زوجين

    شاطر
    avatar
    kimop
    عضو ذهبي
    عضو ذهبي

    عدد الرسائل : 131
    العمر : 34
    تاريخ التسجيل : 11/02/2007

    يزميات زوجين

    مُساهمة من طرف kimop في الأحد فبراير 25, 2007 7:07 am



    [color=darkorchid]قــالت هدير
    أخيراً أصبحتُ في شقتي.. عشّي الصغير
    احساس جميل ان يكون للبنت بيت خاص اختارت فيه كل ركن وكل جزء على ذوقها الخاص تفعل فيه ما تريد وتشعر بالفعل انها ملكة متوّجة
    اخيراً انتهت الترتيبات والمشاوير والسهر والخناقات من اجل فرش هذا العش الرائع الصغير
    اخيراً انتهى ضجيج الفرح وتفحص المعازيم فيّ كأني هابطة من المريخ وكل واحدة من عواجيز الفرح تمصمص شفايفها وتقول: مش كانت بنتي أحسن؟


    تعبت جداً من حمل الفستان الثقيل والحذاء الضيق.. سبحان الله.. هوّ كل احذية العرايس بتكون ضيّقة ليه؟
    واخيراً اخيراً ح اكون لوحدي
    ايه ده.. صوت كريم بيقول: مدام كريم اجمع عندي بالخطوة السريعة
    مدام؟.. انا يا بيه؟
    ***********
    كريم: ايه يا ستي سرحانة في ايه ده كله؟.. هو علشان مفيش حد فى جمالك النهاردة يبقى خلاص؟.. لا يا هانم انا لما انده عليكي تيجي قبل ما انده مفهوم ؟.. وبعدين فين القطة علشان ادبحهالك ؟
    هدير: انت عاوز تاكل قطط النهاردة ولا ايه؟.. لو دبحتها ح اطبخهالك فورا
    كريم: تطبخيها ؟!!.. بنات اخر زمن يعني مش خايفة مني ؟
    هدير: لا مش خايفة.. أنا فرحانة جداً.. وانت ؟
    كريم: انا أسعد انسان في الدنيا.. اول مرة بنتكلم انا وانتي من غير الف محرم وعزول في بيتنا.. بجد البيت جميل أوي.. ذوقك طلع يجنن يا هدير لما كل حاجة اتفرشت.. واجمل ما فيه ان حبيبتي فيه.. لا لا.. مفيش كسوف خالص.. خلّصنا الحدوتة دي.. شوفي انا باقول علشان ربنا يكرمنا في حياتنا نصلي انا وانتي ركعتين نبدأ بيهم حياتنا علشان ربنا يبارك لنا كل خطوة.. ماشي ؟
    هدير: ماشي يا حبييبي
    كريم: حبيبي؟!!.. لا يا ستي قومى غيّرى هدومك واتوضى احسن كده مش مصلّيين خالص
    ***********
    قــالت هدير
    :

    قمت ودخلت حجرة النوم.. ولا أدري عندما دخلتها لماذا ارتجفت؟؟
    الله يسامح كل البنات اللي رعّبونا لما اتجوزوا.. ليه يعني هيّ حرب؟.. انا مش ح افكر فى حاجة علشان ما اديهاش عياط من اولها
    يا خبر.. ايه كل الجيبونات اللي في الفستان دي انا كنت شايلة حديد زي المصارعين مش فستان.. لازم يعذبوا البنات فى كل شىء.. والله حرام الغلب ده

    غيّرت الفستان باعجوبة وارتديت عباءة جميلة مطرّزة ولم أجرؤ ان ارتدي الطقم الذى اوصتني أمي ان أرتديه... العالم دي بتهرّج أكيد
    وتوضئت في حمام غرفة النوم وأزلت ماكياج الفرح وأسدلت شعري ليراه كريم لأول مرة وخرجت له لأجده غيّر البدلة وارتدى البيجاما التي أوصانى العالم كله ان أهديها له وكأن الجوازة ستفشل لو لم تُهدي العروس عريسها بيجاما يوم الزفاف وسيُكتب الخبر فى الصفحة الاولى

    وجدته ينظر لي نظرة كلها اعجاب وحب واستقبلني مهللاً: انا عرفت دلوقت ليه الحجاب فُرِض.. لو كنتي بتخرجي بشعرك الجميل ده كانت حصلت مظاهرة.. يالاّ يا ستي نصلي أحسن كده مش ح ينفع خالص
    وصليتُ وراء زوجى لأول مرة واحسست احساس رائع ان زوجي الامام وان الله شاهد علينا ونحن نبتهل بين يديه ان يرزقنا السعادة والتوفيق.. ودعا كريم دعاء طويل وأمّنت عليه وانا أدعو من قلبي ان يحقق الله كل كلمة فيه وان يكون زوجي الحبيب حبيباً طوال العمر وألاّ يفرقنا إلاّ الموت والا يدخل الشيطان بيننا ابداً
    وانهينا الصلاة وجلسنا واحتضن كريم يدي فى يده لأول مرة فارتجفت وظهر عليّ ارتباكي وصاحبني خوفي واسترجعت كل الحكايات المفزعة التى سمعتها من أغلب البنات.. وواضح ان خوفي كان ظاهر.. وكأن كريم قرأ أفكارى فوجدته يحنو عليّ ويقول: ايه يا سارة الرعب ده كله.. ايه يا حبيبتي هيّ حرب؟.. ما تخافيش من اي حاجة خالص وسيبك من الاوهام دي وحواديت البنات الفارغة.. لو كانت الارتباط مفزع كده ما كانش الاسلام سمى الليلة دي ليلة البناء.. يعنى الزوجين بيبنوا حياتهم فى الليلة دي.. وكان سماها ليلة الحرب العالمية.. مش كده؟.. وياستي علشان تطمني انا عاوز اتكلم معاكي واستمتع ان انا وانتى لوحدنا لأول مرة وبعدين كل حاجة تيجي على مهلها
    أحسست بجبل أزيح من فوق صدري وشكرت تفهم كريم ورقته المتناهية
    وتحدثنا طويلاً طويلاً كأني طوال عمري لم أتحدث.. وكان أعذب حديث شعرت به فى حياتي أتكلم مع زوجي وحبيبي وفتحت له قلبي وسقط حاجز الخجل مني وأخرجت كنز المشاعر التى كنت أخبؤها من يوم ان تشكلتُ أنثى الى اليوم وأعطيتها الى الرجل الذى ارتبطت به

    ووقتها عرفت عظمة الاسلام فى تحريم العلاقات المحرمة.. والا كيف تشعر الفتاة بهذا الشلال من المشاعر الفياضة البكر لو كانت ألقت مشاعرها لهذا وذاك ووصلت الى زوجها وهى مليئة بمرارات التجارب الفاشلة؟
    وشيئا فشيئا سقطت الرهبة و الحواجز بيننا وتحدثت القلوب والعيون و.........

    يتابع............


    [color:1817=#9932cc:1817] [img][/img]
    avatar
    Ramy
    عضو ماسي
    عضو ماسي

    عدد الرسائل : 160
    العمر : 29
    تاريخ التسجيل : 25/10/2006

    رد: يزميات زوجين

    مُساهمة من طرف Ramy في الإثنين فبراير 26, 2007 8:54 am

    بس تفتكر السعادة دي هتدوم علي طول
    معتقدشي لان اي جوازه بتبقي دي بدايتها اسبوع اسبوعين وتبدأ المشاكل
    منتظرين باقي اليوميات
    مشكوووووور كيموب
    avatar
    kimop
    عضو ذهبي
    عضو ذهبي

    عدد الرسائل : 131
    العمر : 34
    تاريخ التسجيل : 11/02/2007

    رد: يزميات زوجين

    مُساهمة من طرف kimop في الثلاثاء فبراير 27, 2007 7:45 am

    تابع رامى وانت تعرف اذا كنت حدوم ولا لا


    [img][/img]
    avatar
    حنان
    عضو ماسي
    عضو ماسي

    عدد الرسائل : 167
    تاريخ التسجيل : 12/02/2007

    رد: يزميات زوجين

    مُساهمة من طرف حنان في الجمعة مارس 09, 2007 12:22 pm

    نشوف ايش رح يصير بعد شهر العسل


    و الف شكر لك
    avatar
    kimop
    عضو ذهبي
    عضو ذهبي

    عدد الرسائل : 131
    العمر : 34
    تاريخ التسجيل : 11/02/2007

    رد: يزميات زوجين

    مُساهمة من طرف kimop في الثلاثاء مارس 13, 2007 6:46 am

    اكيد كل خير متقلقوش

    [img][/img]

      الوقت/التاريخ الآن هو الخميس يناير 18, 2018 4:52 am